შევრდომილი პატიოსანსა ხატსა შენსა, ღმრთივგანცხადებულო, იხარების დღეს ღმრთივდაცული ერი ჩუენი და ვითარცა ძუელი ისრაელი კიდობნისა მიმართ აღთქუმისასა მოილტვის წმიდისა სახისა შენისა გამოხატულებისა და შენგან ხორცშესხმულისა ღმრთისა ჩუენისა მომართ, დედობრივითა მეოხებითა შენითა ევედრე მარადის ყოველთათვის, ვინაცა წმიდასა საფარველსა შენსა სასოებს, მშვიდობაჲ მიჰმადლე მათ და დიდი წყალობაჲ.
ჰოი, ყოვლადმოწყალეო დედუფალო ღმრთისმშობელო, შეიწირე მდაბალი ლოცუაი შუენი და ნუ გარემიიქცევ პირსა შენსა ჩუენგან, მეოხო და ნავთსაყუდელო ჩუენო, ნუ გუგლებელს-გვყოფ ჩუენ უღირსთა, არამედ, ვითარცა კაცთმოყუარე ხარ, ნუ დააცადებ ლოცუასა, რამეთუ შენ შევ იგი, რომელი მოგუმადლებს შენდობასა ურიცხუათა ცოდუათა ჩუენთათვის და გვიხსნენ ჩუენ ყოველთა განსაცდელთაგან, შემიწყალენ ჩუენ, დედუფალო, შემიწყალენ ჩუენ. არა არს ჩუენდა ცხორებაჲ თვინიერ შენსა, ამისთვისცა სამართლად გიგალობთ შენ: შემიწყალენ მონანი შენნი და გულნი ჩუენნი უნაყოფონი კეთილთა საქმეთა მიერ ნაყოფიერ ჰყვნენ. მოიხილე უღირსთა ამათ ზედა, რამეთუ შენ ხარ სასო და მფარველი ჩუენი, ცხორებაჲ და ბრწყინვალებაჲ გულთა ჩუენთა. რამეთუ აღმოგიბრწყინდა წიაღთა შენთაგან ნათელი უმწუხროჲ და განმანათლებელი სულთა ჩუენთა და შემწუელი ყოვლისა წყუდიადისა გულთა შინა ჩუენთა. ღირს გუყვენ ჩუენ, რაჲთა ვეგნეთ მორჩილებითა ნებასა ძისა შენისა და ღმრთისა ჩუენისა, ყოველთა დღეთა ცხორებისა ჩუენისათა, და მას მხოლოსა სათნო-ვექმნეთ. ჰოი, ყოვლადმოწყალეო ღმრთისმშობელო, ნუ დააცადებ ლოცუასა წინაშე შენგან შობილსა ძისა ყოველთათვის, რომელნი სარწმუნოებით მოილტვიან სასწაულმოქმედისა ხატისა შენისა მომართ, მსწრაფლ შემწე ექმენ მათ ყოველთა მწუხარებათა, ზედამოსლვათა და განსაცდელსა შინა, განათავისუფლე ყოვლისა წყევისა და კაცთა სიბოროტისაგან, ხილულთა და უხილავთა მტერთაგან და ყოველთა ჭირთა და მწუხარებათაგან. დაიცევ მამული ჩუენი, ყოველნი ქუეყანანი ყოვლისაგან ჭირისა და ზედამოსვლისა. და ლმობიერ-ჰყავ ღმერთი ჩუენი ჩუენ ზედა განმაშორე ყოველი რისხუა მისი და ჩუენ ზედა სამართლად მოწევნულისა მშჯავრისა მისისაგან მიხსნენ. ჰოი, დედუფალო ღმრთისმშობელო, ანგელოსთა სამკაულო, მოწამეთა დიდებაო და ყოველთა წმიდათა სიხარულო, მათთანა ევედრე უფალსა, რაჲთა ღირს გუყვნეს სიმშვიდით აღსასრულსა და ჟამსა სიკუდილისასა, დედუფალო, მიხსნენ ეშმაკისაგან და სამსჯავროსა სიტყუის საგებელისა და საშინელისა განსაცდელისა და მწარეთა საზუერეთაგან და ცეცხლისა უშრეტისა, ღირს მყუენ ჩუენ ღუთისა დიდებულსა სასუფეველსა! გიგალობთ შენ და ვნატრით შენგან განხორციელებულსა ქრისტესა ღმერთსა ჩუენსა, რომელსა ვადიდებთ მამისა და სულისა წმიდისა თანა, აწ და მარადის და უკუნითი უკუნისამდე, ამინ.