ღირსი სქემმონაზონი კირილე და მარიამი (+დაახლ. 1337)
18 (31) იანვარი
სქემმონაზვნები კირილე და მარიამი (დაახლ 1337) - დიდი რუსი მამის, სერგი
რადონეჟელის (ხს. 25 სექტემბერს) მშობლები - კეთილმსახური და დიდებული ბოიარები
იყვნენ და როსტოვის მახლობლად, სოფელ ვარინიცაში ცხოვრობდნენ, დაახლოებით 1328 წელს
კი რადონეჟში გადასახლდნენ. უფროსი ვაჟიშვილების დაოჯახების შემდეგ წმიდანებმა
სქემა შეიმოსეს ხოტკოვის ყოვლადწმიდა ღვთისმშობლის საფარველის სახელობის
მონასტერში, სადაც მალე აღესრულნენ კიდეც უფლისთვის სათნო ღვაწლში.
„წმიდანთა ცხოვრება“, ტომი I, თბილისი, 2001 წ.
|